గృహ కార్మికుల ఉద్యమాలలో వ్యక్తీకరణపై గీతంలో ఆతిథ్య ఉపన్యాసం
పటాన్‌చెరు ,మనవార్తలు ప్రతినిధి :
భారతదేశం, దక్షిణాఫ్రికాలోని గృహ కార్మికుల ఉద్యమాలు కుల వ్యతిరేక, స్త్రీవాద, నల్లజాతి చైతన్య ప్రసంగాల ద్వారా చట్టపరమైన, సామాజిక గుర్తింపు కోసం తమ డిమాండ్లను వ్యక్తీకరిస్తాయని అమెరికాలోని టఫ్ట్స్ విశ్వ విద్యాలయ సోషియాలజీ విభాగం అసిస్టెంట్ ప్రొఫెసర్, న్యూఢిల్లీలోని సెంటర్ ఫర్ పాలసీ రీసెర్చ్ లో విజిటింగ్ ఫెలో డాక్టర్ సోనాల్ శర్మ అభిప్రాయపడ్డారు.గీతం డీమ్డ్ విశ్వవిద్యాలయం, హైదరాబాదులోని ఆసియా అధ్యయన కేంద్రం (సీఏఎస్) యొక్క పట్టణీకరణ, లింగం, శ్రమ (యూజీఎల్) క్లస్టర్ ఉపన్యాస శ్రేణిలో భాగంగా ‘ఇళ్ల నుంచి వీధుల వరకు: భారతదేశం, దక్షిణాఫ్రికాలో గృహ కార్మికుల ఉద్యమాలలో వ్యక్తీకరణ’ అనే అంశంపై గురువారం ఆతిథ్య ఉపన్యాసాన్ని నిర్వహించారు.డాక్టర్ సోనాల్ శర్మ తన విస్తృతమైన క్షేత్ర పరిశోధన ఆధారంగా, శ్రమ, వర్గం, కులం, జాతి, లింగం యొక్క పరస్పర సంబంధాలను అన్వేషించారు. ఈ అంశాలు హక్కులు, గుర్తింపు కోసం గృహ కార్మికుల పోరాటాలను ఎలా ప్రభావితం చేస్తాయో ప్రముఖంగా ప్రస్తావించారు. కార్మిక ఉద్యమాలను తీర్చిదిద్దడంలో, గౌరవం, న్యాయం, సామాజిక భద్రత కోసం వారి డిమాండ్లను ముందుకు తీసుకెళ్లడంలో ప్రభుత్వం, కార్మిక సంఘాలు, ప్రభుత్వేతర సంస్థల (ఎన్జీవో) పాత్రలను కూడా ఆయన పరిశీలించారు.ఆంగ్లం, ఇతర భాషల విభాగం అసిస్టెంట్ ప్రొఫెసర్, యూజీఎల్ క్లస్టర్ సమన్వయకర్త డాక్టర్ దేబాద్రితా చక్రవర్తి, మీడియా స్టడీస్-విజువల్ కమ్యూనికేషన్ విభాగం అసిస్టెంట్ ప్రొఫెసర్ డాక్టర్ సుసాన్ కోషి ఈ ఆతిథ్య ఉపన్యాస కార్యక్రమాన్ని సమన్వయం చేశారు.
