మనవార్తలు ప్రతినిధి ,పటాన్ చెరు:
సంగారెడ్డి జిల్లా,పటాన్ చెరు పట్టణంలోని ముదిరాజ్ భవన్ పక్కన ఉన్న ‘యూరో కిడ్స్ స్కూల్’ ప్రాంగణంలో వినాయక చవితి నవరాత్రి ఉత్సవాలు మరియు నిమజ్జన వేడుకలు అంగరంగ వైభవంగా ముగిశాయి. స్కూల్ చైర్మన్ గాదె మహేష్, సంజన మహేష్ ల ఆధ్వర్యంలో ఈ వేడుకలను ఎంతో ఉత్సాహంగా నిర్వహించారు.ఈ సందర్భంగా స్కూల్ యాజమాన్యం మాట్లాడుతూ పర్యావరణ పరిరక్షణ మరియు మట్టి విగ్రహాల ప్రాముఖ్యతపై విద్యార్థుల్లో అవగాహన కల్పించడమే ముఖ్య ఉద్దేశంగా స్కూల్ ప్రాంగణంలో మట్టి వినాయకుడిని ప్రతిష్టించినట్లు తెలిపారు.
తొమ్మిది రోజుల పాటు ఉపాధ్యాయులు, విద్యార్థులు, తల్లిదండ్రుల సహకారంతో పూజా కార్యక్రమాలను ఘనంగా నిర్వహించామని, ప్రతిరోజూ స్కూల్ తరఫున అన్నప్రసాద వితరణ చేపట్టినట్లు వివరించారు.ఉత్సవాల చివరి రోజున విద్యార్థులందరూ సాంప్రదాయ దుస్తులు ధరించి మట్టి గణపతికి ప్రత్యేక పూజలు నిర్వహించారు.
అనంతరం “జై బోలో గణేష్ మహరాజ్ కీ జై” అంటూ నినాదాలతో గణనాథుడిని నిమజ్జనానికి సాగనంపారు.ఈ వేడుకల్లో యూరో కిడ్స్ స్కూల్ యాజమాన్యం, ఉపాధ్యాయులు, విద్యార్థులు మరియు వారి తల్లిదండ్రులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
