జాతీయస్థాయి మాస్టర్ అథ్లెటిక్స్ తెలంగాణ జట్టుకు మూడు లక్షల రూపాయల ఆర్థిక సహాయం

_క్రీడాకారులకు ఎల్లవేళలా సంపూర్ణ సహకారం

_ఎమ్మెల్యే గూడెం మహిపాల్ రెడ్డి

పటాన్‌చెరు ,మనవార్తలు ప్రతినిధి :

స్వతహాగా క్రీడాకారుడైన తాను క్రీడలు, క్రీడాకారుల అభివృద్ధికి ఎల్లప్పుడూ తోడ్పాటును అందిస్తున్నామని పటాన్చెరు శాసనసభ్యులు గూడెం మహిపాల్ రెడ్డి అన్నారు. ఈనెల 16వ తేదీ నుండి 19వ తేదీ వరకు హర్యానా రాష్ట్రంలోని కురుక్షేత్రంలో జరగనున్న జాతీయస్థాయి మాస్టర్స్ అథ్లెటిక్ పోటీలకు హాజరవుతున్న తెలంగాణ జట్టుకు ఎమ్మెల్యే జిఎంఆర్ 3 లక్షల రూపాయల ఆర్థిక సాయం అందించారు. ఈ సందర్భంగా ఆయన మాట్లాడుతూ.. గత 20 సంవత్సరాలుగా మాస్టర్ అథ్లెటిక్స్ జట్టుకు సంపూర్ణ సహాయ సహకారాలు అందిస్తున్నానని తెలిపారు. రాష్ట్ర, జాతీయ స్థాయి పోటీల్లో సంగారెడ్డి జిల్లా జట్టుతో పాటు తెలంగాణ రాష్ట్ర జట్లు మంచి ప్రతిభను కనబరుస్తున్నాయని అన్నారు. 40 సంవత్సరాల వయసు నుండి 90 సంవత్సరాల వయస్సు గల క్రీడాకారులు వీటిలో పాల్గొంటారని అన్నారు. ప్రస్తుతం తెలంగాణ రాష్ట్ర జట్టుకు ఎమ్మెల్యే జిఎంఆర్ అధ్యక్షులుగా పనిచేస్తున్నారు. ఈ కార్యక్రమంలో సంగారెడ్డి జిల్లా అధ్యక్షులు ఇక్బాల్, కార్యదర్శి సామెల్, క్రీడాకారులు పాల్గొన్నారు.