మనవార్తలు ప్రతినిధి, శేరిలింగంపల్లి :
పురాతన కాలం నుండి వస్తున్న బాల్య వివాహల గురించిచిన్నపిల్లలు, టీనేజర్లు వారి శారీరక,మానసిక పరిపక్వతకు ముందే వివాహం చేసుకోవడం పై జరిగే అనర్థాలపై నేటి సమాజానికి అవగాహన ఉండాలని శేరిలింగంపల్లి ఆదిత్య నగర్ సెక్టార్ఐసిడిఎస్ సూపర్ వైజర్ కోమల బాయి అన్నారు. మియాపూర్ డివిజన్లోని మక్తా మహబూబ్ పేట్ ప్రభుత్వ పాఠశాలలో బాల్య వివాహాలపై అవగాహన సదస్సు నిర్వహించారు. ఈసందర్భంగా ఆమె మాట్లాడుతూ బాల్య వివాహాలు చేయడానికి కొన్ని కారణాలు ఆర్ధిక అవసరం, వారి కుమార్తెలకు పురుషుల రక్షణ, పిల్లలను కనడం లేదా అణచివేసే సాంప్రదాయ విలువలు, నిబంధనలు కావచ్చనీ, తెలిపారు. యునిసెఫ్ ప్రకారం, బాల్య వివాహం అనేది 18 సంవత్సరాల కంటే తక్కువ వయస్సు ఉన్న అమ్మాయి లేదా అబ్బాయి వివాహంగా నిర్వచించబడిందనీ, 18 సంవత్సరాల కంటే తక్కువ వయస్సు ఉన్న పిల్లలు వివాహం చేసుకున్నట్లుగా భాగస్వామితో నివసించే అధికారిక వివాహాలు, అనధికారిక సంఘాలను సూచిస్తుందన్నారు.
భారతదేశంలో, బాల్య వివాహ నిషేధ చట్టం, 2006 ప్రకారం..ఒక పిల్లవాడిని “పురుషుడు ఇరవై ఒక్క సంవత్సరాలు పూర్తి చేయని వ్యక్తి,.స్త్రీ పద్దెనిమిది సంవత్సరాలు పూర్తి చేయని వ్యక్తి”గా నిర్వచించారన్నారు.. చట్టబద్ధమైన వయస్సు పరిమితి కంటే తక్కువ వయస్సు ఉన్న పిల్లల మధ్య జరిగే ఏదైనా వివాహం చెల్లదని ఈ చట్టం ప్రకటిస్తుందనీ,. మైనర్ల మధ్య బాల్య వివాహాలను అనుమతించడం లేదా నిర్వహించడం లేదా పెద్దలతో మైనర్లను వివాహం చేసుకోవడం వంటి వివిధ నేరాలకు కూడా ఈ చట్టం శిక్షలను అందిస్తుందన్నారు.
అయినప్పటికీ, దేశవ్యాప్తంగా బాల్యవివాహాలు ఇప్పటికీ విస్తృతంగా జరుగుతున్నాయని, రాజస్థాన్, ఉత్తరప్రదేశ్, మధ్యప్రదేశ్, జార్ఖండ్, ఛత్తీస్ గఢ్, బీహార్, తెలంగాణ, ఆంధ్రప్రదేశ్ ఐ సి డి ఎస్ ప్రాజెక్టు వంటి రాష్ట్రాలు ఇప్పటికీ మహిళల సగటు వివాహ వయస్సు చట్టబద్ధమైన పద్దెనిమిది కంటే తక్కువగా ఉన్నాయనీ పేర్కొన్నారు. బాల్యవివాహాలు ఎక్కువగా ఉన్న రాష్ట్రాలు కూడా అధిక జనాభా కలిగి ఉన్నాయనీ, భారతదేశంలో బాల్యవివాహాలు జనాభా నియంత్రణకు తీవ్రమైన ప్రభావాలను కలిగి ఉన్నాయనీ, ఎందుకంటే కౌమారదశలో ఉన్న వధువులకు అధిక సంతానోత్పత్తి, అనేక అవాంఛిత గర్భాలు ఉండే అవకాశం ఉందన్నారు. ఈ కార్యక్రమం లో జెడ్ పి హెచ్ ఎస్ హెడ్ మాస్టర్ శ్రీకాంత్, భాగ్య రేఖ, టీచర్స్, ఐ సి పి ఎస్ సరస్వతి, అశ్రీత ఎన్ జి ఓస్ శ్వేత, అంగన్వాడి టీచర్లు, ఆశ వర్కర్లు తదితరులు పాల్గొన్నారు.
