గీతమన్ను సందర్శించిన ఆస్ట్రేలియా ప్రొఫెసర్లు…

– సహకార విస్తరణ ప్రణాళికపై చర్చ – గీతం కోర్సుల నిర్వహణ తీరుపై ప్రశంసలు

మనవార్తలు , పటాన్ చెరు:

తిమిటీ జె.లించ్ , అంతర్జాతీయ అసోసియేట్ డీన్ , మెల్బోర్న్ విశ్వవిద్యాలయం , ఆస్ట్రేలియా నేతృత్వంలో ఎనిమిది మంది సభ్యుల బృందం శుక్రవారం హైదరాబాద్లోని గీతం డీమ్డ్ విశ్వవిద్యాలయాన్ని సందర్శించింది . గీతం హెదరాబాద్ అదనపు ఉపకులపతి ప్రొఫెసర్ ఎన్.శివప్రసాద్ నేతృత్వంలో గీతం సెన్స్డ్ డీన్ ఎం.బాలకుమార్ , స్కూల్ ఆఫ్ సెన్స్ ప్రిన్సిపాల్ ప్రొఫెసర్ జీఏ రామారావు , భౌతిక రసాయన శాస్త్ర విభాగాధిపతులు ప్రొఫెసర్ రావూరి బాలాజీరావు , డాక్టర్ సురేంద్రబాబు , బీఎస్సీ బ్లెండెడ్ సమన్వయకర్తలు డాక్టర్ సాయిప్రీతి , డాక్టర్ శ్రీమన్నారాయణ , పలువురు అధ్యాపకులు వారితో ముఖాముఖి చర్చించారు . ముఖ్యంగా మెల్బోర్న్ విశ్వవిద్యాలయ సహకారంతో మూడేళ్ళ క్రితం ప్రారంభించిన బీఎస్సీ బ్లెండెడ్ కోర్సును సమీక్షించడంతో పాటు విద్యార్థులు ఎదుర్కొంటున్న సమస్యలు , వాటిని అధిగమించాల్సిన తీరు వంటి వాటిపై ప్రధానంగా చర్చించారు.

విద్యార్థులు పవర్ పాయింట్ ప్రజెంటేషన్ ద్వారా తాము చేసిన పరిశోధనలను ఆస్ట్రేలియా బృందానికి వివరించి , వారి ప్రశంసలందుకున్నారు . గీతం కోర్సుల నిర్వహణ తీరు తమకు చాలా నచ్చిందని , భారతదేశంలో ఏడు చోట్ల బీఎస్సీ బ్లెండెడ్ కోర్సుకు అనుమతివ్వగా , పూనే వర్సిటీతో పాటు గీతం పనితీరు , అధ్యాపకుల నిబద్ధత , విద్యార్థుల పురోగతి తమను ఆకట్టుకున్నట్టు ఆస్ట్రేలియా బృందం అభిప్రాయపడింది . త్వరలో డ్యూయల్ డిగ్రీ లేదా డబుల్ డిగ్రీ కోర్సును ప్రారంభిస్తామని , అది రెండేళ్ళు గీతమ్ , చివరి రెండేళ్ళు మెల్బోర్న్ పూర్తిచేయొచ్చని వారు చెప్పారు .

అలాగే పలు పరిశోధనా ( పీహెచీ ) కోర్సులను కూడా భారతీయ విద్యార్థుల అభిరుచులకు అనుగుణంగా మలుస్తున్నా మన్నారు . ఆయా సెన్స్డ్ కోర్సులను చదివినవారు లోతుగా , సృజనాత్మకంగా ఆలోచించి , సమస్యలకు తగిన పరిష్కారాలు చూపాలనేదే తమ అభిమతమని చెప్పారు . భారతీయ విద్యార్థులు సొంత డబ్బుతో కాకుండా , కొద్దిపాటి మొత్తంతోనే ఆస్ట్రేలియా వచ్చి చదువుకోవచ్చని , 20 శాతం సమయాన్ని పార్టెమ్ ఉద్యోగాల కోసం వెచ్చించవచ్చని , చదువుకుంటూనే సంపాదించి సొంత కాళ్ళపై నిలబడేలా ప్రోత్సహిస్తున్నామన్నారు . పూనే విశ్వవిద్యాలయం పూర్వ ప్రొఫెసర్ మాధవరావు ఈ కార్యక్రమాన్ని సమన్వయం చేశారు .