ప్రయోగాత్మక విద్య – ప్రగతికి బాట..

– గీతం మెకానికల్ ఇంజనీరింగ్ విద్యార్థులకు డెరైక్టర్ నీకే మిట్టల్ ఉద్బోధ

మనవార్తలు ,పటాన్ చెరు:

ఏదైనా ఒక అంశాన్ని ప్రయోగాత్మకంగా , అనుభవపూర్వకంగా తెలుసుకుంటే అది పది కాలాలపాటు జ్ఞాపకం ఉండడమే గాక , విద్యార్థుల ప్రగతికి బాటలు వేస్తుందని గీతం స్కూల్ ఆఫ్ టెక్నాలజీ డెరైక్టర్ ప్రొఫెసర్ నీకే మిట్టల్ అన్నారు . మెకానికల్ ఇంజనీరింగ్ విభాగం ఆధ్వర్యంలో ‘ ద్విచక్ర వాహనంలో లోపాలను కనుగొనడం , ఇంధన సామర్థ్యం ‘ అనే అంశంపై గురువారం నిర్వహించిన ఒక రోజు కార్యశాలలో ఆయన ముఖ్య అతిథిగా పాల్గొన్నారు . ఇంజనీరింగ్ ఔత్సాహికుల కోసం ప్రయోగాత్మకంగా నిర్వహించే కార్యశాలలకు తాము ప్రాధాన్యం ఇస్తున్నట్టు ఆయన చెప్పారు . ప్రతి అభ్యాసాన్నీ ఎందుకు , ఎలా అనే విచారణాత్మక వైఖరితో ఆరంభించాలని , ప్రతి నైపుణ్య అనుభవాన్ని జ్ఞాపకం , అవగాహన , అన్వయంతో పొందాలని మిట్టల్ సూచించారు . బీటెక్ రెండు , మూడు , నాలుగో ఏడాది విద్యార్థులు పాల్గొన్న ఈ కార్యశాలలో ఇంటర్నల్ కంబషన్ ఇంజిన్లు , ఆయా విడిభాగాలను జోడించడం , విడదీయడం , సొంత వాహనాలలో ఏవైనా లోపాలున్నాయా , ఏదైనా సాంకేతిక సమస్య తలెత్తినప్పుడు దానిని అధిగమించే విధానాలను ( సొంతంగా రిపేర్ చేసుకోవడం ) సీనియర్ విద్యార్థులు వివరించారు .

ఎంతో ఉత్సుకతతో సాగిన ఈ కార్యశాలలో వాస్తవిక అనుభవాన్ని విద్యార్థులు పొందడంతో పాటు ఆయా అంశాలపై ప్రాథమిక అవగాహనను ఏర్పరచుకున్నారు . తొలుత , మెకానికల్ ఇంజనీరింగ్ విభాగాధిపతి డాక్టర్ పి.శ్రీనివాస్ స్వాగత ప్రసంగంతో ఆరంభమైన ఈ కార్యశాలలో ప్రొఫెసర్ పి . ఈశ్వరయ్య , కార్యక్రమ సమన్వయకర్తలు పి.అనీలక్కుమార్రెడ్డి , జె.రమేష్ , ఇతర అధ్యాపకులు పాల్గొన్నారు . ఇందులో పాల్గొన్న విద్యార్థులందరికీ ధ్రువీకరణ పత్రాలను పంపిణీ చేయడంతో ఈ ఒకరోజు వర్క్షాప్ ముగిసింది . ‘ కేఫ్ కనెక్షన్స్ ‘ ప్రారంభం ఆహారం యువతను ఉత్తేజపరిచేలా పనిచేస్తుందనే విషయం అందరికీ తెలిసిందే .

విద్యార్థుల సృజనాత్మక మనస్సులను ఉత్తేజపరిచి , వారిని ప్రేరేపించడానికి గాను గీతం హెదరాబాద్ ప్రాంగణంలో గురువారం ‘ కేఫ్ కనెక్షన్స్ ‘ పేరిట ఆధునిక ఫలహారశాలను అదనపు ఉపకులపతి ప్రొఫెసర్ ఎన్ . శివప్రసాద్ ప్రారంభించారు . ఇది విద్యార్థులకు పరిశుభ్రమైన , ఆరోగ్యకరమైన ఆహారం , స్నాక్స్ , ఐస్క్రీమ్లు , శీతల పానీయాలను అందిస్తుంది . విద్యార్థులు కొద్దిసేపు సేదతీరి , వారి క్షుద్బాధను తీర్చుకోవడానికే గాక , అనధికారికంగా నేర్చుకునే సమర్థవంతమైన ప్రదేశం అనడంలో ఎటువంటి అతిశయోక్తి లేదు . ఈ కార్యక్రమంలో రెసిడెంట్ డైరెక్టర్ డీవీవీఎస్ఆర్ వర్మ కూడా పాల్గొన్నారు .