నోయిడా కార్మికుల న్యాయమైన డిమాండ్ల ను వెంటనే పరిష్కరించాలి

శాండ్విక్ యూనియన్ వర్కింగ్ ప్రెసిడెంట్ పాండురంగారెడ్డి

అరెస్టు చేసిన నోయిడా కార్మికులను వెంటనే విడుదల చెయ్యాలి

లేబర్ కోడ్స్ ను వెంటనే రద్దు చెయ్యాలి

నోయిడా కార్మికులకు సంఘీభావంగా శాండ్విక్ పరిశ్రమ వద్ద శాండ్విక్ ఎంప్లాయిస్ యూనియన్ ఆధ్వర్యంలో ప్లే కార్డులతో లతో నిరసన

మనవార్తలు ప్రతినిధి , పటాన్‌చెరు :

నోయిడా కార్మికుల న్యాయమైన డిమాండ్ల ను వెంటనే పరిష్కరించాలని,అరెస్టు చేసిన నోయిడా కార్మికులను తక్షణమే విడుదల చెయ్యాలని శాండ్విక్ యూనియన్ వర్కింగ్ ప్రెసిడెంట్ పాండురంగారెడ్డి కేంద్ర ప్రభుత్వాన్ని డిమాండ్ చేశారు. అఖిల భారత సీఐటీయూ పిలుపు మేరకు మంగళవారం డిమాండ్స్ డే పిలుపులో భాగంగా పటాన్ చెరు పారిశ్రామిక ప్రాంతంలోని శాండ్విక్ పరిశ్రమ ముందు శాండ్విక్ ఎంప్లాయిస్ యూనియన్ ఆధ్వర్యంలో ప్లకార్డ్స్ ప్రదర్శిస్తూ నిరసన చేపట్టారు. ఈ సందర్భంగా పాండురంగారెడ్డి మాట్లాడుతూ నోయిడాలో కార్మికవర్గ పోరాటాన్ని అణిచివేయడానికి ప్రభుత్వాలు చేస్తున్న అక్రమ అరెస్టులు, మహిళా కార్మికులపై దాడులను వెంటనే ఉపసంహరించుకోవాలని డిమాండ్ చేశారు.పోరాడి సాధించుకున్న కార్మిక చట్టాలను రద్దుచేసి కార్పొరేట్స్ కి అనుకూలంగా 4 లేబర్ కోడ్స్ ను తెచ్చిందని, వాటి పర్యవసానమే కార్మికవర్గ పోరాటాలపై ఇలాంటి అణిచివేతలన్నారు. తక్షణమే లేబర్ కోడ్స్ ను ఉపసంహరించుకోవాలని కేంద్ర ప్రభుత్వాన్ని ఆయన డిమాండ్ చేశారు. నోయిడా కార్మికుల పోరాటానికి సీఐటీయూ తన సంపూర్ణ మద్దతు ఉంటుందని ఈ సందర్భంగా తెలియజేశారు. ఈ కార్యక్రమంలో శాండ్విక్ యూనియన్ నాయకులు ఎమ్. మనోహర్, ఎ. వీరారావు, హెచ్. వెంకట్రావ్, వి. సదాశివ రెడ్డి, ఎమ్. సత్తిబాబు, కమిటీ సభ్యులు, కార్మికులు పాల్గొన్నారు.