నిర్మాణ పనులను పరిశీలించిన ఎమ్మెల్యే జిఎంఆర్
అమీన్పూర్
బీరంగూడ నుండి కిష్టారెడ్డిపేట అవుటర్ రింగ్ రోడ్డు వరకు నిర్మిస్తున్న వందఫీట్ల రహదారి పనులు పూర్తి కావచ్చాయని, అతి త్వరలో రహదారిని ప్రారంభించనున్నట్లు పటాన్చెరు శాసనసభ్యులు గూడెం మహిపాల్ రెడ్డి తెలిపారు. సోమవారం సాయంత్రం అమీన్పూర్ జెడ్పిటిసి సుధాకర్ రెడ్డి, ఎంపీపీ దేవానందం, అమీన్పూర్ మున్సిపల్ చైర్మన్ తుమ్మల పాండురంగారెడ్డి, వైస్ చైర్మన్ నందారం నరసింహ గౌడ్ లతో కలిసి రహదారి నిర్మాణ పనులను స్వయంగా పరిశీలించారు.
ఈ సందర్భంగా ఎమ్మెల్యే జిఎంఆర్ మాట్లాడుతూ గత ఎన్నికల్లో ఇచ్చిన హామీకి అనుగుణంగా 50 కోట్ల రూపాయల అంచనా వ్యయంతో వంద ఫీట్ల రహదారి నిర్మిస్తున్నట్లు తెలిపారు. రహదారి నిర్మాణం పూర్తయితే ఇటు అమీన్పూర్ మున్సిపల్ తో పాటు అటు అమిన్ పూర్ మండల ప్రజలకు మెరుగైన రవాణా సౌకర్యం అందుబాటులోకి వస్తుందని ఆశాభావం వ్యక్తం చేశారు. ప్రతిపక్షాలు అభివృద్ధిని అడ్డుకునేలా విమర్శలు చేయకుండా గుణాత్మకమైన సూచనలు ఇవ్వాలని కోరారు. ప్రజా సంక్షేమమే లక్ష్యంగా ప్రజల ఆకాంక్షలకు అనుగుణంగా అభివృద్ధి కార్యక్రమాలు చేపడుతున్నట్లు తెలిపారు. ఈ కార్యక్రమంలో హెచ్ఎండీఏ డి ఈ దీపక్, తదితరులు పాల్గొన్నారు.
