మనవార్తలు ,పటాన్చెరు:
రేడియో ఐసోటోప్లు , నియంత్రిత రేడియేషన్లను పంటల మెరుగుదల , ఆహార సంరక్షణ వంటి వాటికి వినియోగిస్తున్నట్టు భాభా అణు పరిశోధనా సంస్థ ఫుడ్ టెక్నాలజీ డివిజన్ అధిపతి డాక్టర్ ఎస్.గౌతమ్ చెప్పారు . గీతం స్కూల్ ఆఫ్ సెన్స్డ్ ‘ రేడియోకెమిస్ట్రీ , అప్లికేషన్స్ ఆఫ్ రేడియో ఐసోటోప్స్’పై నిర్వహిస్తున్న ఐదురోజుల జాతీయ వర్క్షాప్లో గురువారం ఆయన ‘ వ్యవసాయం , ఆహార ఉత్పత్తుల సంరక్షణలో రేడియో ఐసోటోప్లు , రేడియేషన్ సాంకేతికత వినియోగం’పై వర్చువల్గా ఉపన్యసించారు . వ్యవసాయ , ఆహార ఉత్పత్తుల సంరక్షణకు అయోనెజింగ్ రేడియేషన్ చాలా ఉపయోగకరంగా ఉంటుందన్నారు . మన దైనందిన జీవితంలో వినియోగించే అనేక ఉత్పత్తులు రేడియేషన్ నుంచి ఏదో ఒక విధంగా ప్రయోజనం పొందినట్టు ఆయన చెప్పారు . రేడియేషన్ ద్వారా కొన్ని రోజుల పాటు కొన్ని ఆహార పదార్థాల షెల్ప్ జీవితాన్ని పొడిగించడం వల్ల అవి పాడెపోకుండా ఉంటాయని డాక్టర్ గౌతమ్ చెప్పారు .
ఆహార వికిరణం సుదీర్ఘ షెల్ప్ జీవితంలో సురక్షితమై ఆహారాన్ని ఉత్పత్తి చేయగల సామర్థ్యాన్ని కలిగి ఉంటుందన్నారు . కొన్ని విత్తనాలు , తయారుగా ఉన్న ఆహారాన్ని సున్నితంగా రేడియేషన్కు గురిచేయడం ద్వారా ఎక్కువ కాలం నిల్వ చేయవచ్చని ఆయన తెలిపారు . మనదేశంలో వాషి – నవీ ముంబై నాసిక్లోని లాసల్గావ్లో రెండు కర్మాగారాలు ఉన్నాయని , ఈ రెండు సుగంధ ద్రవ్యాలు , ఉల్లిపాయలు , పండ్ల ప్రాసెసింగ్ కోసం రేడియేషన్ సేవలను అందిస్తున్నట్టు డాక్టర్ గౌతమ్ పేర్కొన్నారు .
గత 30 ఏళ్ళగా రేడియేటెడ్ ఫుడ్స్ని పరీక్షిస్తున్నా , అటు జంతువులకు కానీ , ఇటు మానవులకు గానీ ఎలాంటి హానికరమైన ప్రభావాలు కనిపించలేదని ఆయన చెప్పారు . ఈ నేపథ్యంలో సాధారణ వినియోగం కోసం కొన్ని రేడియేషన్ ఆహారాలు విడుదలవుతున్నట్టు డాక్టర్ గౌతమ్ తెలియజేశారు . రేడియేషన్ సేవలు అందించాలని అభిలషించే ఔత్సాహికులకు కేంద్ర ప్రభుత్వం రాయితీ సౌకర్యం కల్పిస్తోందని , వ్యక్తులుగా లేదా సహకార సంఘాలుగా ఏర్పడి పరిశ్రమలను నెలకొల్పవచ్చని ఓ ప్రశ్నకు ఆయన బదులిచ్చారు . డాక్టర్ గౌతమ్ తరఫున బార్క్ నుంచి వచ్చిన డాక్టర్ సిరాజ్ అహ్మద్ అన్సారీకి గీతం స్కూల్ ఆఫ్ సెన్స్డ్ ప్రిన్సిపాల్ ప్రొఫెసర్ జీఏ రామారావు జ్ఞాపికను అందజేశారు
ఉత్సాహంగా పాల్గొంటున్న అధ్యాపకులు, సిబ్బంది పిల్లలు క్యాంపస్ లైఫ్ డైరెక్టరేట్ ఆధ్వర్యంలో నిర్వహణ మనవార్తలు ప్రతినిధి , పటాన్చెరు: ఉద్యోగుల…
మనవార్తలు ప్రతినిధి - శేరిలింగంపల్లి : తెలంగాణ ఉద్యమ కారులందరం కలిసికట్టుగా పనిచేద్దామని, రాబోయే ఎన్నికల్లో టికెట్లు తెచ్చుకొని గెలిపించుకుందామని…
మనవార్తలు ప్రతినిధి , పటాన్చెరు: నేటి తరం యువతకు స్ఫూర్తిని అందించేలా అంతర్జాతీయ పోటీల్లో సంగారెడ్డి జిల్లాకు చెందిన మాస్టర్స్…
మనవార్తలు ప్రతినిధి ,రామచంద్రాపురం : అమీన్పూర్, పటాన్చెరు సర్కిళ్ల పరిధిలోని డివిజన్లలో 24 పార్కుల అభివృద్ధికి ప్రత్యేక నిధులు విడుదల…
మనవార్తలు ప్రతినిధి , పటాన్చెరు: ప్రభుత్వ ఉద్యోగులకు బదిలీలు తప్పనిసరి అని పనిచేసే చోట అందరూ గుర్తుంచుకునేలా విధులు నిర్వర్తించినప్పుడే…
ఫిజిక్స్ అధ్యాపకుల శిక్షణ ప్రారంభోత్సవంలో గీతం అదనపు ఉప కులపతి ప్రొఫెసర్ డీ.ఎస్.రావు మనవార్తలు ప్రతినిధి , పటాన్చెరు: భౌతికశాస్త్ర…