మనవార్తలు,పటాన్ చెరు:
గీతం హెదరాబాద్ బిజినెస్ స్కూల్ , గీతం స్కూల్ ఆఫ్ సెన్స్ విద్యార్థులు విడివిడిగా ఫ్రెషర్స్ పార్టీలను మంగళవారం వినూత్నంగా నిర్వహించారు . ఎంతో ఉత్సుకతతో ఫ్రెషర్స్ పార్టీ కోసం ఆసక్తిగా ఎదురు చూసిన మేనేజ్మెంట్ , సెన్స్ విద్యార్థులు సంగీతం , ఆటలు , పాటలు , పసందైన విందులతో ఉల్లాసంగా , ఉత్సాహభరితంగా గడిపారు . కొత్త విద్యార్థులను స్నేహపూర్వక వాతావరణంలో స్వాగతించడం , వారి సృజనాత్మక ప్రేరణలను ప్రోత్సహించడం , వారిలో విశ్వాసాన్ని ఇనుమడింపజేయడం ఈ ఫ్రెసర్స్ డే ముఖ్య లక్ష్యం . డే మిరుమిట్లు గొలిపే వస్త్రధారణతో , సీతాకోక చిలుకల్లా అటూ ఇటూ కలియతిరుగుతున్న విద్యార్థులతో ప్రాంగణమంతా శోభాయమానంగా మారి , పండుగ శోభను సంతరించుకుంది .
ఇక అదిరిపోయే సాంస్కృతిక కార్యక్రమాలతో రోజంతా మనోహరంగా గడిచిపోయింది . ర్యాంప్ వాక్ , సంప్రదాయ , ఫూజన్ , పాశ్యాత్య నృత్యాలు , ఉత్తేజకరమైన గానాలకు అద్భుతమైన అలంకరణ జతకలిసి విద్యార్థుల ఉత్సాహాన్ని రెట్టింపు చేసింది . అలసిపోయే వరకు ఆడి పాడి , పసందెన విందు , అల్పాహారాలతో ఈ ఒకరోజు ఉత్సవాన్ని ఘనంగా ముగించారు .
