జూబ్లీహిల్స్ లో ‘ఫెస్టివోగ్’ డిజైనర్ స్టోర్ ను ప్రారంభించిన సినీ తారలు శ్రియ శరణ్, మంచు లక్ష్మి, నవదీప్

మనవార్తలు ప్రతినిధి ,హైదరాబాద్ :

జూబ్లీహిల్స్ రోడ్ నెంబర్ 10 లో ‘ఫెస్టివోగ్’ భారతీయ లగ్జరీ చేనేత, కౌట్యూర్ ను సినీ తారలు శ్రియ శరణ్, మంచు లక్ష్మి, నవదీప్ కలిసి ప్రారంభించారు.అమెరికాలో దాదాపు పదేళ్లుగా భారతీయుల విశ్వాసాన్ని పొందిన ప్రీమియం లగ్జరీ ఫ్యాషన్ బ్రాండ్ ఫెస్టివోగ్ . అమెరికా వెలుపల ప్రారంభమైన తొలి స్టోర్ ఇదే కావడం విశేషం. అరుదైన చేనేత వస్త్రాలు, పెళ్లి వేడుకల కోసం ప్రత్యేకంగా రూపొందించిన బ్రైడల్ కలెక్షన్లు, కౌట్యూర్ దుస్తులను హైదరాబాద్ ఫ్యాషన్ ప్రియులకు అందుబాటులోకి తెచ్చారు.అమెరికాలోని డల్లాస్‌లో ఫెస్టివోగ్ ఫ్లాగ్‌షిప్ స్టోర్ దేశంలోని అతిపెద్ద భారతీయ బ్రైడల్ బుటిక్‌లలో ఒకటిగా పేరొందింది. వివాహాలు, శుభకార్యాలు, ప్రత్యేక వేడుకల కోసం ప్రత్యేకమైన దుస్తులను కోరుకునే వినియోగదారులకు ఇది ప్రముఖ కేంద్రంగా నిలిచింది.

ఇప్పుడు హైదరాబాద్ స్టోర్‌లో అరుదైన చేనేత చీరలు, బ్రైడల్ చీరలు, డిజైనర్ లెహంగాలు, కౌట్యూర్ కలెక్షన్లు, పురుషుల సంప్రదాయ దుస్తులు, కుర్తా సెట్లు, పిల్లల ప్రత్యేక దుస్తులు తదితర విభాగాల్లో ప్రత్యేక కలెక్షన్లు అందుబాటులో ఉన్నాయి.సంస్థ వ్యవస్థాపకురాలు భావనా ధనేకుల, భాగస్వామి సింధు కొసరాజు మాట్లాడుతూ, భారత్‌లో తొలి స్టోర్‌కు హైదరాబాద్‌ను ఎంపిక చేయడం ఎంతో ఆనందంగా ఉందన్నారు. సంప్రదాయాన్ని, ఆధునికతను సమన్వయం చేసుకున్న హైదరాబాద్ నగరంలో ప్రత్యేక చేనేత, నాణ్యమైన కళాత్మక దుస్తులకు విశేష ఆదరణ ఉందని, అందుకే తొలి భారతీయ స్టోర్‌ను ఇక్కడ ప్రారంభించినట్లు తెలిపారు.జూబ్లీహిల్స్‌లోని ఈ స్టోర్‌తో ఫెస్టివోగ్ భారతీయ లగ్జరీ ఫ్యాషన్ రంగంలో కొత్త అధ్యాయానికి శ్రీకారం చుట్టిందని, ప్రత్యేకమైన వేడుకల కోసం అరుదైన, విలాసవంతమైన వస్త్రాలను కోరుకునే వారికి ఇది ప్రీమియం గమ్యస్థానంగా నిలుస్తుందని వారు తెలిపారు .