మానసిక స్థితి సరిగా లేని యువకుడు అదృశ్యం…
పటాన్ చెరు :
మానసిక స్థితి సరిగా లేని యువకుడు అదృశ్యమైన సంఘటన పటాన్చెరు మండల పరిధిలో చోటుచేసుకుంది.యువకుడి కుటుంబ సభ్యులు తెలిపిన వివరాల ప్రకారం… పెదకంజర్ల గ్రామానికి చెందిన అశోక్ శనివారం ఉదయం గ్రామ సమీపంలో ఉన్న పొలం వద్దకు తన కుమారుడు అజయ్ తో బయలుదేరాడు. ఈ క్రమంలో అశోక్ ముందు వెళుతుండగా అతని వెనకాల కుమారుడు అజయ్ గొడుగు పట్టుకొని నడుచుకుంటూ కొద్ది దూరం వెళ్లాడు. కొంత సేపటికి అశోక్ తన కుమారుడు వస్తున్నాడా లేదా అని వెనకకు చూడగా కనిపించలేదు. దీంతో అజయ్ కోసం కుటుంబ సభ్యులు తెలిసిన వారి వద్ద, బంధువుల వద్ద వెతికినా ఆచూకీ లభించలేదు. కాగా కొందరు అదృశ్యమైన అజయ్ ఇస్నాపూర్ పరిధిలో కనిపించడాని చెప్పడంతో కుటుంబ సభ్యులు వెళ్లి అక్కడా సీసీ కెమెరాలను పరిశీలించగా అందులో అజయ్ కనిపించాడు.కొడుకు అదృశ్యంపై తండ్రి పటాన్చెరు పోలీస్ స్టేషన్ లో ఫిర్యాదు చేశారు. అజయ్ కనిపిస్తే ఈ నెంబర్ కు సమాచారం ఇవ్వాలని యువకుడి తండ్రీ అశోక్ కోరారు. 9666864388.
