పేటెంట్లు, కాపీరైట్ కలిగి ఉండడం ఉత్తమం

గీతం ఆతిథ్య ఉపన్యాసంలో పేర్కొన్న డాక్టర్ ఉమేష్ వి.బణాకర్

పటాన్‌చెరు ,మనవార్తలు ప్రతినిధి :

ఔషధ తయారీ సంస్థలు తమ ఉత్పత్తులకు పేటెంట్లు, కాపీరైట్ లను కలిగి ఉండడం ఉత్తమమని ఫార్మాస్యూటికల్ టెక్నాలజీ విశిష్ట ఆచార్యుడు, ఫార్మాస్యూటికల్ పరిశ్రమ; అకాడెమియాకు స్వతంత్ర సలహాదారు డాక్టర్ ఉమేష్ వి. బణాకర్ అన్నారు. గీతం స్కూల్ ఆఫ్ ఫార్మసీలో సోమవారం ఆయన ‘మేథో సంపత్తి హక్కులు: ఐపీలో కెరీర్’ అనే అంశంపై ఉదయం, ‘విచ్ఛేద పద్ధతులు: సవాళ్లు’ అనే అంశంపై భోజనానంతరం ఆయన ఆతిథ్య ఉపన్యాసాలు చేశారు.మేథో సంపత్తి హక్కుల ప్రాథమిక అంశాలు, వాటి రకాలు, వాటి కోసం దరఖాస్తు చేసే పద్ధుతులకు డాక్టర్ ఉమేష్ వివరించారు. పేటెంట్లు, కాపీరైట్ లను కలిగి ఉండటం వల్ల కలిగే ప్రయోజనాలను కూడా విశదీకరించారు. కాపీరైట్లను ఉల్లంఘించడం, పేటెంట్ల నిబంధనలను ఉల్లఘించడం వంటి అనేక ఉదాహరణలను ఆయన ఉటంకించారు. ఈ రంగంలోని వివిధ కెరీర్ ఎంపికలపై ఫార్మసీ విద్యార్థులకు ఆయన లోతైన అవగాహన కల్పించారు.విచ్ఛేద పద్ధుతులు, సవాళ్లపై మాట్లాడుతూ, రద్దు యొక్క ప్రధాన సూత్రాలను, వెంటనే విడుదల చేసిన ఔషధాలపై నిర్వహించిన రద్దు అధ్యయనాలు, వీటిని అమలు చేయడంలో పరిశోధకులు ఎదుర్కొనే సవాళ్లను డాక్టర్ ఉమేష్ విడమరచి చెప్పారు.తొలుత, గీతం అసోసియేట్ ప్రొఫెసర్ డాక్టర్ బప్పాదిత్య ఛటర్జీ అతిథిని స్వాగతించి, పరిచయం చేశారు. స్కూల్ ఆఫ్ ఫార్మసీ ప్రిన్సిపాల్ ప్రొఫెసర్ జీ.ఎస్. కుమార్, అతిథిని సత్కరించి, వందన సమర్పణ చేశారు. ఈ కార్యక్రమంలో పలువురు ఫార్మసీ అధ్యాపకులు, పరిశోధక విద్యార్థులు తదితరులు పాల్గొన్నారు.