అత్యుత్తమ కోర్సులు , ఆకర్షణీయ ఉపకారవేతనాలు…

– ‘ స్టడీ ఎబ్రాడ్ ‘ ఫెయిర్లో వక్తలు ఉద్ఘాటన పాల్గొన్న విదేశీ వర్సిటీల ప్రతినిధులు

మనవార్తలు ,పటాన్ చెరు:

విద్యార్థుల అభిరుచులకు తగ్గట్టుగా అత్యుత్తమ కోర్సులు , ప్రపంచ శ్రేణి మౌలిక సదుపాయాలతో , అత్యధిక ప్రాంగణ నియామకాలతో , ఆకర్షణీయ ఉపకార వేతనాలతో అందుబాటులో ఉన్నట్టు అమెరికా విశ్వవిద్యాలయాల ప్రతినిధులు వెల్లడించారు . హెదరాబాద్ లోని గీతం డీమ్డ్ విశ్వవిద్యాలయంలో సోమవారం ‘ స్టడీ ఎబ్రాడ్ ‘ పేరిట నిర్వహించిన ఫెయిర్లో బోస్టన్ విశ్వవిద్యాలయం మార్కెటింగ్ – ఎన్రోల్మెంట్ డెరైక్టర్ మార్క్ ఐ.ఖాన్ ; కొలంబియా అసోసియేట్ డెరైక్టర్ ( గ్రాడ్యుయేట్ అడ్మిషన్స్ ) మేఘన్ జెన్సీసన్ ; జార్జ్ వాషింగ్టన్ ఎగ్జిక్యూటివ్ డెరైక్టర్ ( ఎన్రోల్మెంట్ ) బ్రిట్టనీ జి.రెట్ : న్యూయార్క్ విశ్వవిద్యాలయం అసిస్టెంట్ డెరెక్టర్ ( గ్రాడ్యుయేట్ రిక్రూట్మెంట్ ) కెర్రీ బౌలింగ్ ; సీడ్ గ్లోబల్ ఎడ్యుకేషన్ సహ వ్యవస్థాపకుడు పరాస్ ఫట్నాల్ తదితరులు పాల్గొన్నారు .

ఆయా ప్రతినిధులు విద్యార్థులతో నిర్వహించిన ముఖాముఖిలో తమ కోర్సులు , వాటి ప్రాముఖ్యత , వసతులు , దరఖాస్తులు , ట్యూషన్ ఫీజు , ఆర్థిక సాయం ( స్కాలర్షిస్ ) వంటి వివరాలను తెలియజేశారు . విద్యార్థులు లేవనెత్తిన పలు సందేహాలను నివృత్తి చేశారు . ఈ ఫెయిర్లో దరఖాస్తు చేసుకున్న గీతం విద్యార్థులకు దరఖాస్తు రుసుము మినహాయింపుతో పాటు ప్రత్యేక స్కాలర్షిస్లు ఇస్తామని వారు హామీ ఇచ్చారు . గీతం లెర్నింగ్ అండ్ డెవలప్మెంట్ అధికారి వేణుగోపాల్ అరిగల అతిథులను స్వాగతించగా , శిక్షణాధికారి బి.సంతోష్ కుమార్ వందన సమర్పణ చేశారు .

తొలుత , ఈ విదేశీ ప్రతినిధులంతా గీతం ఉన్నతాధికారులతో సమావేశమై గీతమ్లో అవగాహన ఒప్పందాలు కుదుర్చుకోవడానికి సుముఖంగా ఉన్నట్టు తెలిపారు . ఈ కార్యక్రమంలో గీతం ఇంజనీరింగ్ డీన్ సి.విజయశేఖర్ ; స్కూల్ ఆఫ్ టెక్నాలజీ అసోసియేట్ డెరైక్టర్ ప్రొఫెసర్ ఎన్.సీతారామయ్య ; కెరీర్ గెడైన్స్ సెంటర్ డెరైక్టర్ డాక్టర్ నాతి వేణుకుమార్ , హ్యుమానిటీస్ డెరెక్టర్ ప్రొఫెసర్ వె.ప్రభావతి , ఫార్మశీ ప్రిన్సిపాల్ ప్రొఫెసర్ జీఎస్ కుమార్ , ఆర్కిటెక్చర్ డెరెక్టర్ ప్రొఫెసర్ సునీల్ కుమార్ , ఇతర కెరీర్ ఆప్షన్స్ డాక్టర్ రవికాంత్ తదితరులు పాల్గొన్నారు .