280 కిలోల గంజాయి పట్టివేత…
– ఒక కారు, రెండు సెల్ ఫోన్లు స్వాధీనం
– ఇద్దరూ రిమాండ్
పటాన్ చెరు:
ఆంధ్రా, ఒడిశా సరిహద్దుల నుంచి జహీరాబాద్కు తరలిస్తున్న గంజాయిని ముత్తంగి టోల్గేట్ వద్ద మెదక్ డివిజన్ ఎక్సైజ్ ఎన్ఫోర్స్మెంట్ అధికారులు పట్టుకున్నారు. 280 కిలోల గంజాయి, ఓకారును సీజ్చేశారు. గంజాయి తరలిస్తున్న ఇద్దరిని అదుపులోకి తీసుకున్నారు.
సంగారెడ్డి జిల్లా…. జహీరాబాద్ మండలం గోవింద్పూర్ తండాకు చెందిన బానోతు తులసీరామ్, నాల్కల్ మండలం రామతీర్థకు చెందిన బ్యాగరి తుకారాం… ఆంధ్ర ఒరిస్సా నుంచి జహీరాబాద్కు గంజాయి తరలిస్తున్నారు. సమాచారం అందుకున్న మెదక్ డివిజన్ ఎక్సైజ్, ఎన్ఫోర్స్మెంట్ పోలీసులు… మెదక్ డివిజన్ డిప్యూటీ కమిషనర్ ఆఫ్ ఎక్సైజ్ అండ్ ప్రొహిబిషన్ కేఏబీ శాస్త్రి, అసిస్టెంట్ ఎక్సైజ్ సూపరింటెండెంట్ గాయత్రి ఆదేశాల మేరకు సోదాలు నిర్వహించారు.
స్కార్పియో వాహనంలో 140 ప్యాకెట్లలో తీసుకెళ్తున్న 280కిలోల గంజాయిని పట్టుకున్నారు. వాహనాన్ని సీజ్ చేసి,ఇద్దరిని అరెస్టు చేసి రిమాండ్కు తరలించారు. ఈ కార్యక్రమంలో ఎక్సైజ్ ఎన్ఫోర్స్మెంట్ సీఐ మోహన్, ఎక్సైజ్ సిఐ సీతారామిరెడ్డి, ఎస్సైలు విశ్వనాథ్ ,రాజు, ఎక్సైజ్ ఎస్సై వెంకటేశం, ఎన్ఫోర్స్మెంట్ సిబ్బంది తదితరులు పాల్గొన్నారు.
