జోరుగా .. హుషారుగా ఫ్రెషర్స్ డే…

పటాన్ చెరు, మనవార్తలు ప్రతినిధి :

గీతం స్కూల్ ఆఫ్ టెక్నాలజీ విద్యార్థులు విభాగాల వారీగా శనివారం ఫ్రెషర్స్ డేని జోరుగా .. హుషారుగా జరుపుకున్నారు . ‘ ఫ్రెషర్స్ డే అనేది మరుపురానిది . ఇది విద్యార్థి జీవితంలో కొత్త ప్రయాణానికి నాంది పలుకుతుంది . నూతన విద్యార్థులకు సాదర స్వాగతం పలికే రోజు . సీనియర్ , జూనియర్ విద్యార్థులంతా ఐక్యంగా జరుపుకునే వేడుక ‘ అంటూ గీతం రెసిడెంట్ డెరైక్టర్ డీవీవీఎస్ఆర్ వర్మ విద్యార్థులను ఉత్సాహపరిచారు . ఫ్రెషర్స్ పార్టీ అంటేనే , కలిసి ఉండే క్షణాలను ఆస్వాదించడం , క్యాంపస్లో భాగమై నూతన విద్యార్థులకు మంచి అనుభూతిని కలిగించడం అని స్పష్టీకరించారు .

సాంస్కృతిక కార్యక్రమాలు ఆద్యంతం ఉల్లాసంగా , ఉత్సాహంగా సాగి విద్యార్థులలో జోష్ను నింపాయి . విద్యార్థినీ విద్యార్థుల కేరింతలతో ప్రాంగణమంతా మార్మోగిపోయింది . ఫ్రెషర్స్తో కలిసి సీనియర్ విద్యార్థులు అద్భుతమైన ర్యాంప్ వాక్ , పాటలు , నృత్యాలు , స్కిట్లు ప్రదర్శించారు . సంప్రదాయ దుస్తులలో చేసిన కూచిపూడి , భరతనాట్యం అందరి మన్ననలు చూరగొన్నాయి . చివరగా పసందెన విందుతో ఈ వేడుకలు విజయవంతంగా ముగిశాయి .