ముత్తంగి పంచాయతీ కార్యదర్శి సస్పెండ్

– ఇస్నాపూర్ పాలకవర్గానికి షోకాజ్ నోటీస్

– సంగారెడ్డి జిల్లా కలెక్టర్ హనుమంతరావు

పటాన్‌చెరు:

అక్రమ నిర్మాణాలకు అనుమతులు ఇచ్చిన పటాన్‌చెరు మండలం ముత్తంగి గ్రామపంచాయతీ కార్యదర్శిని సంగారెడ్డి జిల్లా కలెక్టర్ హనుమంతరావు గురువారం సస్పెండ్ చేశారు. ఈ మేరకు కలెక్టర్ సస్పెండ్ ఉత్తర్వులు జారీ చేశారు. ముత్తంగి కార్యదర్శి కిషోర్ అక్రమ నిర్మాణాలకు అనుమతి ఇవ్వగా, జిల్లా పంచాయతీ అధికారి తనిఖీలో అక్రమ నిర్మాణాలు గుర్తించి, వాటిని తొలగించాలని ఆదేశాలు జారీ చేసినప్పటికీ, తొలగించడంలో నిర్లక్ష్యం వహించినందున సస్పెండ్ చేసినట్లు కలెక్టర్ పేర్కొన్నారు.

పటాన్‌చెరు మండలం ఇస్నాపూర్ పాలకమండలి అనుమతి లేని లే అవుట్లలో గృహ నిర్మాణాలకు అనుమతులు ఇవ్వడానికి తీర్మానించి, అనుమతులు ఇచ్చినందున  సంబంధిత గ్రామ పంచాయితీ సర్పంచ్, ఉప సర్పంచ్, వార్డు సభ్యులకు షోకాజ్ నోటీసులు జారీ చేశారు. ఇస్నాపూర్ పంచాయతీ కార్యదర్శి వై.హరిబాబుకు చార్జి మెమో ఇచ్చి, బదిలీ ఉత్తర్వులు జారీ చేశామని ఆయన తెలిపారు.విధుల పట్ల నిర్లక్ష్యం వహిస్తున్న పటాన్‌చెరు మండల పంచాయితీ అధికారులకు షోకాజ్ నోటీసులు జారీ చేసినట్లు కలెక్టర్ వెల్లడించారు.